.. جەبار سەعید زۆراب
چۆن ئەکرێت یەکێتی زۆرترین متمانەی جەماوەر بەدەست بهێنێت؟
ئەوەی لێرەدا مەبەستەمە بەکورتی ئاماژەی پێبدەم چەند خاڵێکە کە باشتر جەماوەوەر و یەکێتی دەچنەوە ئامێزی یەکتر،هەروەک سەرۆک مام جەلالی ڕەحمەتی دەیفەرموو یەکێتی و جەماوەر وەک ماسی و ئاو دوانەیەکن تەواوکەری یەکترین، هەرکاتێک یەکێتی لەجەماوەر داببڕێت ئەوا وەک ماسیەکە وایە و ناژی، واتە یەکێتی ئۆکسجینی مانەوەی لە پشتیوانی جەماوەرەوە وەردەگرێت و بەردەوامی بۆ ژیانی حزبی مسۆگەرئەکات.
ئەی یەکێتی چۆن ئەتوانێت دڵی زۆرینەی جەماوەر بەدەستبهێنێت ، لێرەدا ئەوخاڵە سەرەکیانەی پێویستن دەیخەمە ڕوو..
۱ـ دروستکردنی دامەزراوەیەکی دەستپاکی بۆ لێپسینەوەی گەندەڵکاران و لادەرەکان لە پرانسیپ و ئامانجەکانی یەکێتی و پێدانی دەسەڵاتی تەواو بەو دامەزراوەیە..
۲ـ ئەنجام دانی پلینۆم یان کۆنگرەیەک و کەمکردنەوەی ژمارەی ئەندامانی ئەنجومەنی سەرکردایەتی.. بارگرانی دارایی ناهێڵێت و پێگە و کەسایەتی ئەندامی سەرکردایەتی بەهێزتر دەبێت..
٤ـ کەمکردنەوەی ئۆرگانەکان لە مەکتەب و بۆرد و مەڵبەند و کۆمیتەکان و نەهێشتنی هەڵئاوسانی ژمارەی کادر، بارگرانی دارایی ناهێڵێت و پێگەو کەسایەتی مەعنەوی کادر بەهێزتر دەبێت..
٥ـ ڕاگرتنی پلە بەرزکردنەوە و هاوتاکردنی پلە و ئیستیعاب تاکۆنگرەی پێنجەم..
٦ـ دورخستنەوەی کەسانێک کە بۆ بەرژەوەی کەسی و کەسانێک کاردەکەن لەئۆرگانەکان ، کە هۆکاری دودڵی و ئاژاوە دروستکردنن..
۷ـ دورخستنەوەی ئەوانەی دڵیان لەدەرەوەی یەکێتیەو جەستەیان لەناو یەکێتی یە و کاریان پەکخستنی ئۆرگانەکان و هەڵڕشتنی تۆوی گومان و دوبەرەکییە. ٨ـ گۆڕانکاری لەلێپرسراوەی ئۆرگانەکانی حزب و لێپرسراوانی پشکی یەکێتی لەحکومەت و و سەندیکاو ڕێخراوەکان... هتد، سزادانی کەمتەرخەم و گەندەڵەکان.. ۹ـ کۆبونەوەی بەڕێزان سەرۆکی یەکێتی و دەستەی کارگێڕی مەکتەبی سیاسی لەگەڵ مەکتەب و مەڵبەندەکان بە مەبەستی چارەسەرکردنی گرفتە دارایی و لۆجستیکی و ئیداریەکانی ئۆرگانەکان کەتاڕادەیەک ڕێگرە لەبەردەم کاروچالاکی و ئەنجامدانی ئەرکی ئۆرگانەکان.. ۱۰ـ ڕێکخستنەوەی و بەگەڕخستنی ئەوکادیرانەی بێ ئۆرگانن وەک ئەنجومەنی ناوەندی پێشوو -ئەندام مەکتەب پێشوو- جێگر و کارگێڕ و ئەندام مەڵبەند و ئەندام کۆمیتەکان. ۱۱ـ ڕێکخستنەوەی وەزیر و جێگری وەزیر و ئەندام پارلەمان و ئەنجومەنی پارێزگا و قائیمام و بەڕێوەبەری ناحیە و پلە سەربازیە باڵاکان لەئۆرگانەکانی حزب چ ئەوانەی ئێستاو ئەوانەشی کە خانەنشین کراون..
۱۲ـ پێدانی دەسەڵات وەک ئەوەی لەپەیڕودا هاتوە و بە ئۆرگانەکان بۆ پێشنیاری ئاڵوگۆڕی پۆستە ئیداریەکانی پشکی یەکێتی لە حکومەت..
۱۳ـ داڕشتنەوە و ڕێکخستنەوەی پەیوەندیەکانی یەکێتی لەگەڵ وڵاتانی دنیاو جیران و عێراق و حزبە ئێراقیەکان و حزبەکانی هەرێمی کوردستان بە پارتی دیموکراتی کوردستانیشەوە..
۱٤ـ قبوڵ نەکردنی خنکاندنی زۆنی سەوز لە ڕوی خزمەتگوزاریەوە کە پارتی پیادەی کردوە..
۱٥ـ بەهێزکردنی دامەزراوە میدیایی و سوشیال میدیاکانی یەکێتی کە هاوتەریب بێت لەگەڵ ئەرکی قۆناغەکە.. ۱٦گرنگیدان بە پێگەیاندنی کادر و کردنەوەی خولی ڕۆشنبیری و کردنەوەی خولی چەند مانگە بۆ کادر تا ئاستی ئەندام کۆمیتە.
۱۷ـ چەسپاندنی زیاتری یاسا بە تایبەت بەسەر لە یاسا دەرچوان و پشتیوانەکانیان لەحزب و دەستڕۆیشتوەکان.. ۱٨ـ فراوانکردنی بنەماکانی دیموکراسی هەروەک چۆن مامی گەورەمان بناغەی بۆ داڕشتوە..
۱۹ـ ڕێگری کردن لە تەدەخولی دام و دەزگاو کەسانێک کە مەرامی تایبەتی و بوژاندنەوەی گیانی دەستەریان هەیە لەژێر چەتری هەرکەسێکدا بێت. جگە لەزیان هیچ سودێکی بۆ یەکێتی نیە .
۲۰ـ کردنەوەی زیاتری دەرگای بەڕێز سەرۆکی حزب و بەرپرسی سکرتاریەتی سەرۆک مام جەلال بە ڕوی کادرو جەماوەری یەکێتی ، هەروەک چۆن ڕابەری کوچکردومان سەرۆک مام جەلال لەژیانی حزبایدا پەیڕەوی دەکرد.